上回講到，其實而家嘅冷氣機，用作熱能交換嘅鰭片（Coil）已經做好防鏽塗層，根本唔需要用到強酸去清洗。今次講下點解要選擇pH7 中性嘅清潔劑。

首先不如探討下用酸性清潔劑會點？

用酸性清潔劑洗完覺得Coil 變得「令立立」， 係因為酸本身就有能「攻擊」金屬表面的功能。就以常用的磷酸（Phosphoric Acid）和氫氟酸（Hydrofluoric Acid）為例， 清潔劑會在接觸到金屬表面時產生化學作用，將已經氧化的金屬表面的氧帶走，但不適用或者根本過度使用的酸性清潔劑反而會使沒有被氧化的金屬造成腐蝕，嚴重的話還有機會造成冷氣金屬表面出現微細的小孔，甚至可能造成雪種的泄漏。

有時會聽到客人反映，搵左坊間嘅洗冷氣公司洗完冷氣，唔知點解會有啲白色嘅粉吹出來，其實就有機會係用完酸性清潔劑之後，金屬同酸之間的化學作用而產生出來的產物。

酸性清潔劑還有一個最大的壞處，就是它對海洋生態的影響。酸性清潔劑當隨污水流入大海時，會提升海洋的酸性，令到海洋中的藻類植物過度繁殖，也會令到海藻中的碘含量增加。不要認為海洋污染跟自己無關啊！事實上高碘含量的海藻類食物也會影響我們的甲狀腺功能。

咁䶨性清潔劑又如何？

同酸性清潔劑一樣，其實䶨性清潔劑一樣係靠接觸金屬表面後的化學作用，只是主角換為氫氧化物（Hydroxide）而已。所以為什麼無論用的是酸或者䶨性清潔劑時，金屬表面都會出現氣泡，也必需要先待一段時間才可以用水清洗？就是因為需要給足夠時間讓它們產生化學作用。Hydroxide 本身就比較會勾著金屬表面（所以為什麼我們用手摸䶨性物質時會有種滑溜溜感覺），所以有沒有用足夠的清水去清洗過水就變得更加重要了！沒有清洗乾淨的話，殘留物依然是會破壞冷氣機的效能。

正如前兩篇文章提過，其實家居絕大部分的䶨性清潔劑都會釋出不同程度有害的「揮發性有機化合物」（VOC)，對我們的健康也有負面影響，在這裡我就不再重複多說了。可參考 https://www.facebook.com/Brotherwash88/photos/129157275926038）

其實無論係酸定䶨，也不難發現樽身會寫明「腐蝕性」 （Corrosive）的字眼，對環境和使用者本人的皮膚都肯定弊多於利，從今天開始，就即刻轉用BrotherWash 的純天然中性清潔劑去清洗冷氣機啦！可能會有好多人洗冷氣機比我哋叻，但肯定只有BrotherWash 可以解釋到比你知道每樣細節究竟點解。

References:
https://topick.hket.com/article/2260953/海洋污染導致海水酸性上升%E3%80%80紫菜海藻碘含量增加藏甲狀腺危機
https://www.goodway.com/hvac-blog/2012/08/hvac-coil-corrosion-should-you-be-concerned/
Haydu, Robert. Protecting and maintaining coils, ASHRAE Journal; New York Vol. 43, Iss. 11, (Nov 2001): 25.